خـلطــاتـ للشعــر والبشــرهـ

[نسيم الهوى]

بسم الله الرحمن الرحيم

السلاام عليكم ورحمة الله وبركاته ..

جبت لكم اليوم خلطاات للشعر والبشره والجسم مجربه ومضمونه ومن الطبيعه وانتي تسوينها في البيت

يالله نبدأ على بركة الله ^_^


الجسم والوجه :

1)خلطه لكامل الجسم لتوحيد اللون و نعومه مو طبيعيه و تخلي البشره

يتفتح لونها .. وهذي مقاديرها :

1/صابون الغار
2/ماء ورد
3/علبتين جلوسليد الاحمر حجم صغير
4/علبة جليسرين السائل
5/زيت زيتون(مقدار فنجال قهوه)
6/زيت خروع(مقدار فنجال قهوه)
7/زيت اللوز المر(مقدار فنجال قهوه)
8/ملعقتين كبيره كركم للجسم وليس للطبخ ويوجد لدى العطارين
9/علبة فكس صغيره

الطريقه :

تبشر الصابونه بشر ناعم ثم توضع في كأس ماء ورد 12 ساعه يعني نص يوم حتى تذوب فيه ثم يضاف

الجلسوليد والجلسرين السائل والزيوت وملعقتين كركم وعلبه الفكس الصغيره وتخلط جميع المقادير في الخلاط

وتحفظ في علبة زجاج وتستخدم بجميع الجسم حتى الوجه.

مدة استخدام الخلطه وطريقة تنظيفها :

تترك لمدة ساعتين على الجسم ومن ثم يغسل الجسم ويوضع ملح وليمون(ويفضل ليفة بودي شوب اللي على شكل

قفازين) ثم يبداء بالفرك جيدا وبعدها ستبان النتيجه من اول استعما باذن الله.

ويفضل استعمالها للعروس مدة اطول ولجميع مناطق الجسم..


ـــــــــــــــــــــــــــــــــــــــــــــــــ


2) الخلطة هي لتنقية وتقشير البشرة"للوجة طبعا"

خذي ملعقة لبن زبادي مع مقدار من الشوفان.. الكويكر سواء مطحون او عادي

بحيث تكوني خلطة متماسكة

بس حطيها علي وجهك.. واستني 20 دقيقه.. او لين يجف

وبس


ـــــــــــــــــــــــــــــــــــــــــــــــــ

3)علبة جليسوليد
علبة جلسرين السايل
موية ورد على كيفكم بس لا تكثرون عشان ما تصير ريحتها قوية وما تصير سايلة مرة

هذي المقادير تخلطونها مع بعض وبعد ما تتحممين تدهنين جسمك فيها
بدل اللوشن توحد اللون وتعطي الجسم رطوبة وتبيض وتعطي لمعه

جربوها

ـــــــــــــــــــــــــــــــــــــــــــــــــ


4)خلطه للبشرة الجافة بالذات وهي: ملعقة زبادي × حبتين فراولة × أقل من نص الملعقة زيت خروع ),,,رائعة جدا.تخلينها على بشرتك من نصف ساعة لساعة..وشوفي النتيجة بنفسك,,

ـــــــــــــــــــــــــــــــــــــــــــــــــ

5)وهذي خلطه استخدمتها البنت قبل زواجها
نصف كوب صابون مبشور
3ملاعق عسل تقريبا
علبة جلوسليد
عصيرليمونه
تخلطينهم مع بعض زين وتحطينهم في علبه وكل يوم قبل لتنامين تدهنين جسمك فيهم وتكثرين الدهان شوي
ولما تقومين الصباح تتحممين
طبعا الافضل انك تحطين لك مفرش خاص يعني شي قديم او ماتبغينه لانها تطبع الدنيا
بس والله ياهي فرقت نعم الجسم نعومه غير طبيعيه استخدمتها لمدة 20 يوم تقربيا وخلالها سويت بعد حمام مغربي مرتين
بس اللي بشرتها حساسه اودهنيه تنتبه لانه ممكن تطاع لها حبوب
وبس

ـــــــــــــــــــــــــــــــــــــــــــــــــ

6)اول خلطه ((مقشرللجسم)) :

المقادير:

ملح (( ملح الاكل العادي ))

زيت (( ايييي زيت ماتضايقك ريحته.. انا استخدم زيت الطبخ العادي ))

الطريقه :


ادهني جسمك ((وهو ناشف)) بالزيت وبعدين خذي الملح وقشري بحركات داريه وبشوبش .. بعدين اتحممي عادي وشوفي النعومه

((ولنتيجة احسن سوي حمام بخار لجسمك اول بعدين قشري عشان تشوفين النتائج الصح ))


قبل ما اقول الخلطة الثانيه بعطيكم شوية نصايح



{{ Tips عشان تستفيدين قدر الامكان من أقنعة الوجه }}

* قبل كللل قناع لازم تنظفين وجهك وتسوين له حمام بخار ( 15 الى 20 دقيقه) عشان تتفتح المسامات وتستفيدين من القناع.

* روحي الصيدليه وجيبي شاش عريض ومع اي قناع حطي قطعة شاش على كامل الوجه (افتحي فتحه لعيونك ) وبعدين حطي القناع على الشاش وخليه يدخل في فتحات الشاش وبعدين حطي قطعة شاش ثانيه وبكذا تكونين خذتي استفادتك الكامله من القناع..

* لاتحطين اي شي حول العيون لان البشره مااارااه حساسه.
ـــــــــــــــــــــــــــــــــــــــــــــــــ
7) ((قناع نضاره للوجه))

المقادير:

عصير جزر

عسل

الطريقه :

جيبي عصير جزر اخلطيه مع عسل (العسل يكون اكثر من العصير) بس لاتكثرين عصير جزر عشان ماتصيرين صفرا ..

القناع هذا رح يعطيك نضاره فوريه ( عشان الجزر يعطيك لون خفيف بس حلووو )

الشي :

قبل ماتنامين جيبي قطنه وادهني وجهك بموية ورد ماااراااه حلوه للبشره بس يبيلها مداومه..

ـــــــــــــــــــــــــــــــــــــــــــــــــ

8) أحلــى صنفــره للجــسم :

بن مطحــون + سكــر ..


قبل لآتتحمميــن , ادهني جسمك كلــه ( جليسوليــد ) بعدين بلليــه بشويـة مويــه ..

خذي السكــر والقهــوه الي خلطتيهــم سوآ وأفركي فيـهم جسمــك بحـركه دآئــريـه ..

وشـوفي الفــرق , فعــلآ نعومــهـ مآهي طبيعيـهـ ..

جربوهـآ .

ـــــــــــــــــــــــــــــــــــــــــــــــــ

9)فيـه خلطـه تنعش البشــرهـ

حبة خيــآرهـ + علبة زبــآدي ..

تحطينهـم في الخـلآط , بعدين تصبين الخليـط في قوآلب الثلج وتحطيــنه في الفريزر ..

طوآل اليــوم وكل ماحسيتي ان بشـرتك محتآجه إنتعآش , خذي لك قــآلب وافركي فيــه وجوهــك

ـــــــــــــــــــــــــــــــــــــــــــــــــ

خلطاات للشعر:

1)قيرلز انا ابرجعكم شوي للماضي
ابتكلم عن الحناء
الحناء مره روعه افضل من هالصبغات الي ما وراها الي تقصف الشعر وتساقطه


الحناء انواع ذا بست كايند الحناء اليمنيه الخضراء
انا مجربتها مره روعه لمعه مجنوووونه ولون راايق

انا بعطيكم بعض الوصفات الي انا متأكده منها ومجربتها

1 للون الكستنائي
حطي مع الحناء قشر رمان مجفف وترا مره مفيد للقشره وتجفف الجلده الدهنيه

2 للون الجنجر الاحمرحطي معه مغلي كركديه المويه بس

3 اللون النحاسي الغامق
جطي معه نسكافيه

4 اللون البني الغامق حطي معه قشر بادنجان مجفف مطحون


طبعا لازم اذا كان شعرك جاف تحطين ملعقتين زيت ذره
اذا كان دهني تحطي عصير ليمون

تخلينه ساعتين وبعدين حطيه على شعرك مده 3 ساعات واغسليه بالمويه وبلسم بس ومن بكره اغسليه بسدر مطحون قد حضرتيه مع مويه في الخلاط حتى يرغي او شامبو بكفك بس السدر مره حلو
ـــــــــــــــــــــــــــــــــــــــــــــــــ

2)وهذي كمان خلطه بالحناء

طبعا محد ينكر ان اهم شي للشعر الحناء
مهما رحتوا ورديتوا لازم نرجع للحناء

عصير ليمون + قهوة + 3 ملاعق روب + بيضه وحده
الصفار للشعرالجاف والبياض للشعر الدهني
انا احطها كامله
+ زيت اي نوع + شاي مضاف اليه بعض اوراق النعناع المغلي
+ الحنه طبعا

المفروض تسونها قبل تحطونها بشعركم بيوم

وبس
ـــــــــــــــــــــــــــــــــــــــــــــــــ

3) المقادير:

حبة موزه..


3 ملاعق صغيرة الحجم من المايونيز..


1 ونصف ملعقة زيت الزيتون..


طريقة الاستخدام..

1- اقطعي الموز لشرائح صغيره ومن ثم اعصري حتى يصير مثل الكريم..
2- اضيفي المايونيز ومن ثم الزيت..
3- اخلطيه حتى يصير لزج كلماسك..
4- وزعيه علشعر من الجذور لاخر الاطراف من الشعر..
5- غطيه بقبعه بلاستيكيه واتركيه لمدة ربع ساعه ل 30 دقيقه..
6- اشطفي الشعر بالماء الدافئ ومن ثم استخدمي الشامبو لغسيله جيدا..

تعطي لمعه لللشعر وتخلييه روووعه من جد والله روووعه وبسيطه وبسرعه تسووينها

جربووها
ـــــــــــــــــــــــــــــــــــــــــــــــــ


اذا جربتوهم قولوا لنا كيف نتيجتهم

واي بنت عندها خلطه مجربتها ياليت لو تحطها لنا هنا عشان نستفيد

وبصراحه انا امل من الخلطات عشان كذا ما جربت الا خلطه وحده وكان فيها بياض بيض وجوز مطحون للبشره وحطيتها مره وحده على وجهي ومليت

ان شاء الله تناسبكم هذي الخلطات وتعجبكم

[بنت الزهراء]

تسلمي نسيم ع الخلطات الحلوة ...

ننتظر المزيد من عطائك الباهر ...