حورية الانسية
11-11-2009, 01:14 PM
بسمه تعالى
سلام عليكم وربي ايبارك فيكم ويرعاكم ويرزقنا واياكم شفاعة الزهراء عليها السلام
--
--
--
وديعه أمودعه وضلعي تهشم
أبدار أحزان عشت الالم والهم
--
أنه الزهره واسولف هظم چبدي
ماغير الحزن ظل بعد عندي
جمره من تهل عيني اعله خدي
ومن كثر البچي دمعاتي من دم
--
أهل دمعي وعليّه الفرح مامر
ومن كثر المحن گلبي تمرمر
حسراتي الصخر منها تفسر
مصايب والصبر منها تهدم
--
تهدم ركن صبري او روعوني
وآنه بت محمد ما رعوني
وديعه أمودعه عدهم نسوني
ونهاري أمن النحيب ابعيني اظلم
--
اشكي الوالدي همي ومصابي
وأدري أمن اعتب أيأثر عتابي
بچت بويه عليّه حتى بابي
وجنيني هم بعد بويه ميسلم
---
گصت بيّه اليالي ابسگم روحي
وملائكة السمه ناحت النوحي
جرح جرحين ماتنحصي اجروحي
وعليّه النايبات اشكثر تلتم
--
صبر ايوب لا مو مثل صبري
ولايعقوب دمعه مثلي يجري
مآسي وبالمآسي انختم عمري
ولمصابي نصب جبريل مأتم
--
سيد عدنان الحمامي
سلام عليكم وربي ايبارك فيكم ويرعاكم ويرزقنا واياكم شفاعة الزهراء عليها السلام
--
--
--
وديعه أمودعه وضلعي تهشم
أبدار أحزان عشت الالم والهم
--
أنه الزهره واسولف هظم چبدي
ماغير الحزن ظل بعد عندي
جمره من تهل عيني اعله خدي
ومن كثر البچي دمعاتي من دم
--
أهل دمعي وعليّه الفرح مامر
ومن كثر المحن گلبي تمرمر
حسراتي الصخر منها تفسر
مصايب والصبر منها تهدم
--
تهدم ركن صبري او روعوني
وآنه بت محمد ما رعوني
وديعه أمودعه عدهم نسوني
ونهاري أمن النحيب ابعيني اظلم
--
اشكي الوالدي همي ومصابي
وأدري أمن اعتب أيأثر عتابي
بچت بويه عليّه حتى بابي
وجنيني هم بعد بويه ميسلم
---
گصت بيّه اليالي ابسگم روحي
وملائكة السمه ناحت النوحي
جرح جرحين ماتنحصي اجروحي
وعليّه النايبات اشكثر تلتم
--
صبر ايوب لا مو مثل صبري
ولايعقوب دمعه مثلي يجري
مآسي وبالمآسي انختم عمري
ولمصابي نصب جبريل مأتم
--
سيد عدنان الحمامي