الاصحاب

[كبريــــ عاشق ــاء]

لا واحسافه بعض الاصحاب يغرك
ياسرع بيعـة صحبتـه لا نواهـا
تغتر في طبعـه وهرجـه يسـرك
يعطيك هرجه ماوصـل مستواهـا
اليا سمعته قلـت بالطيـب بـرك
غلطان منهو صحبتـه ماشراهـا
يمشـي معـك وتـقـول لله درك
صحبتك انا ماظن القـاء سواهـا
واليا حصل موقف بسرعه يفـرك
ينسى علوم امجاده اللـي ادعاهـا
ويصيرخصمك ثـم يبـدا يضـرك
ويسعى بفضح اسرارك اللي لقاها
تقول مايعرف أبـد عـن مقـرك
وتقول واحيفـاه صدقـه قضاهـا
بعض الصداقه للمخاطـر تجـرك
والبعض تسحب لك بلاوي وراهـا
والبعض ماتميز لبـردك وحـرك
تمشي ولو هي ماشيه في عماهـا
والبعض منها مثـل ألـه تحـرك
تعطي فوايدها لمـن هـو قناهـا
والبعض منها كافي اكفيني شـرك
صحبتك يالماخـوذ يلعـن ثواهـا
والبعض منها يحتفظ لـك بقـدرك
والكل حاجه عارفن ويش دواها
واغلب صداقات البشر حذر حذرك
لايغرك المظهـر علـى ماخفاهـا
ترى الصداقه شي ضروري لأمرك
اختارهـا بحـكـام والا بـلاهـا


منقول

[ميجوم]

صح لسانك ولسان كاتبها وربي يعطيك الف عافيه على الابيات الصادقه..

مع خالص تحياتي لك

اخوك .........

ولـــــ جدهـ ـــــد

[نسيم الهوى]

تــسلم يــدك على هالكـلمــات المعبره والراائعه

ويعطيك العافيه

[كبريــــ عاشق ــاء]

الله يسلامك ويخليك وشكرا على الردود الحلوى

الله لا ياحرمنا منكم

[نسيم الهوى]

ينسى علوم امجاده اللـي ادعاهـا
ويصيرخصمك ثـم يبـدا يضـرك
ويسعى بفضح اسرارك اللي لقاها

الله يكفينا شر مثل هالاصحاب

ويعطيك الف عافيه على النقل الموفق
ولاتحرمنا من جديدك

تقبل مروري
اخوك طائر الاحزان

[كبريــــ عاشق ــاء]

شكرا اخي على الرد الجميل

وانت لا تحرمنا مخن ردودك