ياربي فلانه انخطبت وانا لا...

[عاشقة كريم اهل البيت]

الزواج قسمه ونصيب .. هذا شي الكل متفق عليه . والكل المفروض ماايتعارض مع الاقدار السماويه
بس في حياتنا تعالوا شوفوا شنو يصير ..

... طبعا الكل يعرف قعده البنات مو الكل البعض منهم



فلانه 1 : اهلين اخباركم سمعتوا ان فلانه انخطبت توني دقيت عليها وباركت لها
فلانه 2 : احلفي .. ماافيها ذره حلاوه عشان تنخطب .. ماادري كيف حظها هذي
فلانه 1: بالعكس مره اخلاق البنت وطيبه وحبوبه
فلانه2: انا احلى منها ودمي اخف منها .. والمشكله انها مريضه .. ماادري كيف هالدنيا
المريضه تنخطب وتكون عائله .. واللي ماافيها شي جالسه عند امها ..
^^^^^^^
ام فرحانه ان ولدها خطب .. دقت ع اختها .. وقالت لها ولدي خطب
لما سكرت الام
.. قالت الخاله الى بنتها الكبيره .. ماادورت تاخد الى ولدها الا هالبنت .. ماافيها شي زود
بنتي احلى منها .. والقريب اولى من البعيد .. ماادري ليش ماارفعت حظ بنتي .. هي الخسرانه ..
^^^^^^^^^^ ^^
قبل كم يوم كان عندي موعد في المستشفى ..
ورحت .. شفت ممرضتين يتكلمون .. وكان هذا الحوار
الممرضه 1: شفتي فلان اللي يشتغل في الاستقبال .. خطب فلانه ياعلي ماايناسبو بعض هو حركات
وكشخه .. وهي دبه وموحلوه .. شكله مااشاف وجهها .. بس عيونها اللي جذبته
الممرضه 2: قسمه ونصيب وكل واحد ياخد نصيبه في الحياه
<<< صراحه عجبني رد الممرضه الثانيه سكتتها
^^^^^^^^
لما الدكتور ياخد له وحده عاديه يقولون مااتناسبه اهو دكتور وياخده له وحده عاديه
لما ياخد دكتوره مثله .. يقولون اكيد مااراح ياخد وحده حيا الله .. لازم بياخد دكتوره مثله وتليق فيه
ونسوا شي اسمه القسمه والنصيب
وطبعا غيرها الكثير والكثير من المواقف ..
عندي بعد شي ثاني ..
الحين انتشرت ان الاخت الصغيره تتزوج قبل الكبيره .. وصار شي عادي في مجتمعنا ..
اعرف وحده .. عندها ثلاث خوات اصغر منها .. خواتها كلهم انخطبوا. وباقي اهي الكبيره
ذنب هالبنت ... نصيبها بعد مااجى .. ماله داعي النظره اللي مو حلوه لها
وكانها مسويه جرم كبير في حياتها ..
ماافيه بنت مااتبي تكون عائله وتكون لها حياتها الخاصه .. بس كل شي قسمه ونصيب
محاور النقاش ..
الزواج اصبح هاجس الفتيات ...؟؟ الى درجه ان البنت لما توصل الى 20 سنه تقول ياربي الى الحين ماانخطبت
وخاصه لما تشوف اللي قدها واصغر منها انخطبوا وكونوا عائله ...؟؟ وتناسوا شي اسمه القسمه والنصيب
الزواج في وقتنا الحالي .. اصبح مكمل للحياه .. او انه ضروره من ضروريات الحياه ..
ذنب البنت ان الاخت الصغيره تتزوج قبلها ...لو ذنب المجتمع .. او القسمه والنصيب ..
اتوقع نشوف المئات من هالمواقف اللي تصير في مجتمعنا ..
انا تكلمت بحكم الواقع اللي اشوفه .. طبعا مو الكل مثل اللي قلته .. بس ماايخلى المجتمع من هالانواع اللي ذكرتها

راق لي

[شمعه كربلائيه]

يسلمووو

صح كلامك خيتو عشوووقه

اغلب المجتماعات هكذا وعلى هذا المنوال

فلانه انخطبت وبنتي ما انخطبت وفلان ما يستاهل فلانه
وهلما جرا..

صارو البنات ما يفكرو في دراستهم ولا مستقبلهم وكل اللي يهمهم

العريس وخليني البس واكشخ عشان انخطب وكذا

وسلامت الطيبين فيهم


موضوع غاايه في الروووعه يسلمو

[شذى المدينة]

كل شئ قسمهـ ونصيب
يعطيك ربي الف الف عافيهـ
عاشقة كريم أهل البيت
طرح رائع ومن واقع مجتمعنا
ننتظر جديدك لاعدمناهـ
تحياتي
شذى المدينة

[الألماسه]

يسلمووووووووووووو
يعطيك الف عافيه
عاشقة كريم اهل البيت
كل شي قسمه ونصيب
وكل واحد ما ياخذ اكثر من الي الله
كاتبه له

[شوق المدينة]

يعطيك العافيه

تحيـــ شـوق ــــاتي

[عاشقة كريم اهل البيت]

يسلمو على المرور المعطر

[أمير السماوي]

بسم الله الرحمن الرحيم
السلام عليكم اخواني اخواتي الكرام
احب ازيدكم معلومه الزواج قسمه فقط وفقط بأمر من الله
اما النصيب لأختيار العروس المناسبه المؤمنه الجميله المثقفه
هو اختيار الرجل العريس (وليس الله)
اضرب لكم مثال عندما يتزوج العريس العروس وبعدين لا تعجبهو او ماشابه ذالك
هل من المعقول الله سبحانه وتعاله يريد ان لا يسعد الزوجين ؟ حشا لله طبعآ
وهنا يثبت انه الرجل هو الذي يختار العروس المناسبه لهو
لا تلومون الله سبحانه وتعاله عندما تقولون نصيبي طايح حظه !!! حشا الله ان يطيح حظ عبد من عباده ونما يريد لهو السعاده والتوفيق؟
لماذا حلل الله ان الرجل الخطيب قبل الخطبه يقابل خطيبته وينضر الى محاسنها
حتى يكون على بينه امام امر الواقع

هل انتم معاي على هذا الطرح ارجو الجواب ولمشاركات الجميله

[عاشقة كريم اهل البيت]

مشكور اخوي على رايك
بس احنا نتكلم على نظرت المجتمع
وعن الحسد بين البنات
مو على القسمة والنصيب
يعني ليش فلان خطب فلانه
وليش فلانه اخواتها اللي اصغر منها تزوجوا وهي لا
مشكور على ابداء رايك

[نور طيبه]

يعطيك العافيه عاشقه كريم اهل البيت
النا س ماعندها غير الغيره والحسد وهذا
الي صير في المجتمع هذا الوقت
مع تحياتي نورطيبه

[أمير السماوي]

بسم الله الرحمن الرحيم
شكرآ لكي (عاشقة كريم اهل البيت) على متابعتج موضوعج الرائع

انتي ذكرتي ---- الزواج قسمه ونصيب .. هذا شي الكل متفق عليه . والكل المفروض ماايتعارض مع الاقدار السماويه
انا تعارضت معاج في هذه المسأله فقط ووضحتلج في مشاركتي الأوله
اما --نظرت المجتمع وعن الحسد بين البنات هذه ضعف ايمان في الله
هو السبب الحسد ولغيره
اما-- فلانه اخواتها اللي اصغر منها تزوجوا وهي لا
هذه ما يرددها الى الشياطين المنافقين الحاسدين ولمفروض
هؤلاء الناس يجب البتعاد منهم وقطع العلاقه معهم
تقبلي مروري مع الشكر والحترام

[عاشقة كريم اهل البيت]

لك كل الشكر اخي الكريم